KALOLSAVAM BLOG 2012

കോഴിക്കോട് കിരീടം നിലനിര്‍ത്തി

2012-01-22T15:13:00.003+05:30

52 മത് കേരള സ്കൂള്‍ കലോല്‍സവത്തില്‍ കോഴിക്കോട് ജില്ല 810 പോയന്‍റ് നേടി സ്വര്‍ണ്ണകപ്പ് നിലനിര്‍ത്തി. 779 പോയിന്‍റ് നേടി തൃശൂര്‍ ജില്ല രണ്ടാമതും 776 പോയിന്‍റുമായി മലപ്പുറം ജില്ല മൂന്നാം സ്ഥാനവും കരസ്ഥമാക്കി.
അറബി കലോല്‍സവത്തില്‍ 95 പോയന്‍റ് വീതം നേടി കോഴിക്കോട്, മലപ്പുറം, പാലക്കാട്‌ ജില്ലകളും, സംസ്കൃതോല്‍സവത്തില്‍ 93 പോയന്‍റ് വീതം നേടി മലപ്പുറം, തൃശൂര്‍ ജില്ലകളും ചാമ്പ്യന്‍മാരായിരിക്കുന്നു.

2012-01-22T08:01:00.003+05:30

LATEST RESULTS

LEADING DISTRICT FOR GOLD CUP

LEADING SCHOOL - HS, HSS

LATEST RESULTS IN DETAIL

പ്രോഗ്രാം കമ്മിറ്റി അഭിവാദ്യം ചെയ്യുന്നു

2012-01-22T07:42:00.001+05:30

കേരളത്തിന്‍റെ കലാ കൌമാരങ്ങളെ അണിയിച്ചൊരുക്കി അരങ്ങിലെത്തിച്ചവര്‍ക്ക്..........
വാക്കും, വരയും നൃത്തവും കണ്ട്‌ കണ്‍ കുളിര്‍ത്തവര്‍ക്ക്......
അരങ്ങിലെ ആവേശം മറ്റുള്ളവരിലേക്ക് പകര്‍ന്നവര്‍ക്ക്.......
കണ്ണിമയ്ക്കാതെ കൂട്ടിരുന്നവര്‍ക്ക്......
എല്ലാ തരത്തിലും ഞങ്ങളെ സഹായിച്ചവര്‍ക്ക്..... നന്ദി.

പ്രോഗ്രാം കമ്മിറ്റിക്കു വേണ്ടി

ബാബു. എം.പാലിശ്ശേരി എം.എല്‍.. എ

ചെയര്‍മാന്‍

ടി.വി. മദനമോഹനന്‍

കണ്‍വീനര്‍

2012-01-21T14:36:00.003+05:30

കൂടിയാട്ടം

കലോത്സവത്തോടനുബന്ധിച്ച് പ്രോഗ്രാം കമ്മിറ്റി പ്രസിദ്ധീകരിച്ച വാര്‍ത്താപത്രിക.

"കൂടിയാട്ടം" വായിക്കാന്‍ ഫോട്ടോയില്‍ ക്ലിക്ക് ചെയ്യുക

ചീഫ് എഡിറ്റര്‍: ടി.വി.മദനമോഹനന്‍

എഡിറ്റര്‍: സി.എ. നസീര്‍

2012-01-17T15:13:00.001+05:30

കലോല്‍സവത്തില്‍ ഇന്ന് (22-01-2012 ഞായറാഴ്ച)

പൊതു നിര്‍ദ്ദേശങ്ങള്‍""

(ടീം മാനേജര്‍ക്കും മത്സരാര്‍ത്ഥികള്‍ക്കും)

Click here to download Identification Certificate

കലകളുടെ മഹോത്സവത്തിന് അതി ഗംഭീര തുടക്കം

2012-01-17T00:37:00.002+05:30

52 മത് കേരള സ്കൂള്‍ കലോത്സവത്തിന് തൃശ്ശൂരില്‍ കൊടി ഉയര്‍ന്നു. മുഖ്യമന്ത്രി ഉമ്മന്‍ചാണ്ടിയുടെ അഭാവത്തില്‍ കേരളത്തിന്റെ ഗന്ധര്‍വ ഗായകന്‍ ഡോ. കെ.ജെ.യേശുദാസ് ഭദ്രദീപം കൊളുത്തി ഉദ്ഘാടനം നിര്‍വഹിച്ചു. കലോല്‍സവത്തിന്റെ വരവറിയിച്ചു നടന്ന ഘോഷയാത്രയില്‍ നഗരത്തിലെ എഴുപത് സ്കൂളുകളില്‍ നിന്നായി പതിമൂവായിരത്തോളം കുട്ടികള്‍ പങ്കെടുത്തു. തൃശ്ശൂരിന്റെ സാംസ്കാരിക തനിമ വിളിച്ചോതുന്ന ഒന്നായി മാറി ഘോഷയാത്ര.

സുവര്‍ണ്ണ ജൂബിലി ആഘോഷിക്കുന്ന സ്വര്‍ണ്ണ കപ്പിന്റെ രൂപകല്പന നിവഹിച്ച ചിറയിന്‍കീഴ് ശ്രീകണ്ഠന്‍ നായരെ ചടങ്ങില്‍ ആദരിക്കുകയുണ്ടായി.

രാവിലെ പൊതു വിദ്യാഭ്യാസ ഡയരക്ടര്‍ എ.ഷാജഹാന്‍ പതാക ഉയര്‍ത്തിയതോടെയാണ് കലോത്സവത്തിന്റെ തുടക്കമായത്‌.

ഏഴു ദിവസങ്ങളിലായി 17 വേദികളില്‍ 218 ഇനങ്ങളിലായി പതിനായിരത്തോളം കുട്ടികള്‍ കലോല്‍സവത്തില്‍ മാറ്റുരയ്ക്കും.

ഡോ. കെ.ജെ.യേശുദാസ് ഭദ്രദീപം കൊളുത്തി ഉദ്ഘാടനം നിര്‍വഹിക്കുന്നു

പ്രോഗ്രാം കമ്മിറ്റി തയ്യാര്‍

2012-01-15T23:47:00.000+05:30

52 മത് കേരള സ്കൂള്‍ കലോല്‍സവം കൊടി കയറുകയാണ്. തൃശ്ശൂരിന് ഇത് അഭിമാനത്തിന്റെ നിമിഷങ്ങളാണ്. ഏഷ്യയിലെ ഏറ്റവും വലിയ കലാമേളയായ കേരള സ്കൂള്‍ കലോല്‍സവം ഇത് എട്ടാം തവണയാണ് കേരളത്തിന്‍റെ സാംസ്കാരിക തലസ്ഥാനമായ തൃശ്ശൂരില്‍ എത്തുന്നത്. ലോകത്തിലെ ഏറ്റവും നയനാനന്ദകരമായ കാഴ്ചയായി തെരഞ്ഞെടുക്കപ്പെട്ട തൃശൂര്‍പൂരം നടക്കുന്ന മണ്ണില്‍ ഈ കലാമേള മറ്റൊരു പൂരമാകണം എന്ന്‍ ഏവരും പ്രതീക്ഷിക്കുന്നു. അതിന്റെ തയ്യാറെടുപ്പ് പൂര്‍ത്തിയായിരിക്കുന്നു.

കലോല്‍സവം കുറ്റമറ്റതാക്കാന്‍ പ്രോഗ്രാം കമ്മിറ്റി വിപുലമായ ഒരുക്കങ്ങളാണ് നടത്തിയിരിക്കുന്നത്. ആയിരത്തിലധികം അധ്യാപകരും മറ്റുള്ളവരും കൈ മെയ്‌ മറന്ന്‍ ഈ മഹാമേളക്കായി ഒന്നിച്ചിരിക്കുന്നു. പ്രോഗ്രാം കമ്മിറ്റിക്ക്‌ കീഴിലുള്ള 13 സബ് കമ്മിറ്റികളും അവരുടെ അവസാന വട്ട ഒരുക്കങ്ങള്‍ വിലയിരുത്തുകയും പോരായ്‌മകള്‍ പരിഹരിക്കുന്നതിനുള്ള നടപടികള്‍ എടുക്കുകയും ചെയ്തിരിക്കുന്നു. എല്ലാവരും ആത്മവിശ്വാസത്തിലാണ്. തീര്‍ച്ചയായും ഇത് മികച്ച മേളയാക്കാന്‍ സാധിക്കും എന്ന്‍ ഞങ്ങള്‍ വിശ്വസിക്കുന്നു.

കലോത്സവത്തിന്റെ വിജയം എന്നത് കൂട്ടായ്മയുടെ വിജയമായിരിക്കും. സംഘാടകരും, മത്സരാര്‍ഥികളും, ആസ്വാദകരും, മാധ്യമ പ്രവര്‍ത്തകരും എന്നിങ്ങനെ നേരിട്ടും അല്ലാതെയും ഉണ്ടാകുന്ന കൂട്ടായ്മ. ഏവര്‍ക്കും അതിന് കഴിയട്ടെ എന്ന്‍ ആശംസിക്കുന്നു. കലോത്സവത്തിന്റെ ഈ പൂരം എന്നും നിങ്ങളെവരുറെയും മനസ്സില്‍ നിറയട്ടെ.

എല്ലാ കൊച്ചു കൂട്ടുകാര്‍ക്കും പ്രോഗ്രാം കമ്മിറ്റിയുടെ വിജയാശംസകള്‍....

ടി.വി.മദനമോഹനന്‍

പ്രോഗ്രാം കമ്മിറ്റി കണ്‍വിനര്‍

ബാബു.എം.പാലിശ്ശേരി MLA

പ്രോഗ്രാം കമ്മിറ്റി ചെയര്‍മാന്‍

2012-01-14T14:37:00.002+05:30

പ്രിയരെ,

ഉത്സവങ്ങളുടെനാട്ടിലെ മഹോല്‍സവത്തിലെക്ക്ഏവര്‍ക്കും സ്വാഗതം. 52 മത്സംസ്ഥാന സ്കൂള്‍ കലോല്‍സവം2012 ജനുവരി 16മുതല്‍ 22 വരെകേരളത്തിന്‍റെ സാംസ്കാരികതലസ്ഥാനമായ തൃശ്ശൂരില്‍വച്ച് നടക്കുകയാണ്. നമ്മിലെനന്മയും മൂല്യങ്ങളുമെല്ലാംതകര്‍ത്തെറിയുന്ന ഈ കലികാലത്തില്‍സാംസ്കാരിക രംഗത്തെ ചെറിയപ്രവര്‍ത്തനം പോലുംശ്രദധിക്കപ്പെടേണ്ടതാണ്. സര്‍വ്വ സാഹോദര്യത്തിന്റെസംഘഗീതികള്‍ മൂളാന്‍,വാക്കിലും വരയിലുംസ്വാതന്ത്ര്യത്തിന്‍റെവര്‍ണ്ണ വസന്തങ്ങള്‍ തീര്‍ക്കാന്‍,മദമാത്സര്യങ്ങള്‍ക്കുമീതെ ചുവടുവയ്ക്കാന്‍ എത്തുന്നകേരളത്തിന്‍റെ കലാകൌമാരങ്ങള്‍ക്ക്തൃശ്ശൂരിലേക്ക് ഒരിക്കല്‍കൂടി സ്വാഗതം.

2012-01-14T11:35:00.001+05:30

CLICK HERE to download appeal entry form in PDF

2012-01-13T00:45:00.000+05:30

അക്കോമഡേഷന്‍ സെന്‍ററുകള്‍

കലോല്‍സവ ട്രോഫിക്ക് ഊഷ്മള സ്വീകരണം

2012-01-12T22:54:00.001+05:30

കലോത്സവത്തിന്റെ വിജയികള്‍ക്ക്‌ സമ്മാനിക്കാനുള്ള സ്വര്‍ണ്ണ കപ്പ് ഇന്ന്‍ തൃശ്ശൂരില്‍ എത്തി. രാവിലെ തൃശ്ശൂരിന്‍റെ അതിര്‍ത്തിയായ പെരുമ്പിലാവില്‍ കപ്പിന് ഊഷ്മളമായ സ്വികരണമാണ ലഭിച്ചത്. മൂന്ന്‍ മണിയോടെ തൃശ്ശൂര്‍ നഗരത്തിലെത്തിയ ട്രോഫിക്ക് മേയര്‍ ശ്രീ. ഐ.പി.പോളിന്റെയും എം.എല്‍..എ മാരുടേയും നേതൃത്വത്തില്‍ വന്‍ സ്വികരണം നല്‍കി. നിരവധി വിദ്യാര്‍ത്ഥി വിദ്യാര്‍ത്ഥിനികള്‍ ബാന്റ്‌ മേളത്തിന്റെയും പരേഡുകളുടെയും അകമ്പടിയോടെ കപ്പിനെ മോഡല്‍ ഗേള്‍സ്‌ സ്കൂളില്‍ സ്വീകരിച്ചു.
നഗരത്തിലെ സ്വീകരണത്തിന് ശേഷം സ്വര്‍ണ്ണകപ്പ് ജില്ലാ ട്രെഷറിയില്‍ സൂക്ഷിക്കാനായി കൊണ്ടു പോയി.

2012-01-09T23:24:00.001+05:30

കലോല്‍സവ കമ്മിറ്റി ചെയര്‍മാന്‍മാരും കണ്‍വിനര്‍മാരും

വേദിയില്‍ മാറ്റം

2012-01-09T08:48:00.002+05:30

19-01-2012 വ്യാഴാഴ്ച വേദി 6 ല്‍ വൈകിട്ട് 3 മണിക്ക് ഷെഡ്യൂള്‍ ചെയ്ത കഥകളി ഗ്രൂപ്പ്‌ HS, വേദി 13 ലേക്കും. വേദി 13 ല്‍ വൈകിട്ട് 3 മണിക്ക് ഷെഡ്യൂള്‍ ചെയ്ത ഓട്ടന്‍തുള്ളല്‍ HSS (B), വേദി 6 ലേക്കും പരസ്പരം മാറ്റിയിരിക്കുന്നു. (സമയത്തില്‍ മാറ്റം ഉണ്ടായിരിക്കുന്നതല്ല).
18 ന് ഉച്ചക്ക് 12 ന് ഒമ്പതാം വേദിയായ സാഹിത്യ അക്കാദമി ഹാളില്‍ നടക്കുന്നത് പ്രോഗ്രാം നോട്ടിസില്‍ നിന്നും വിഭിന്നമായി മാപ്പിളപ്പാട്ട് HSS (B) എന്ന്‍ തിരുത്തി വായിക്കണം എന്ന് അഭ്യര്‍ത്ഥിക്കുന്നു.

പ്രോഗ്രാം നോട്ടീസ് പ്രകാശനം ചെയ്തു.

2011-12-24T18:23:00.001+05:30

സംസ്ഥാന സ്കൂള്‍ കലോല്‍സവത്തിന്‍റെപ്രോഗ്രാം നോട്ടീസ് പ്രകാശനം 2011 ഡിസംബര്‍ 24 ശനിയാഴ്ച രാവിലെ 11.30 ന് സംഘാടക സമിതി ഓഫീസായ തൃശ്ശൂര്‍ മോഡല്‍ഗേള്‍സ് സ്കൂള്‍) വച്ച് ആരാധ്യനായ തൃശ്ശൂര്‍ മേയറും സംഘാടക സമിതി ചെയര്‍മാനുമായശ്രീ. ഐ.പി.പോള്‍ റിസപ്ഷന്‍ കമ്മിറ്റി ചെയര്‍മാന്‍ ശ്രീ. തേറമ്പില്‍ രാമകൃഷ്ണന്‍.എം.എല്‍.എ. യ്ക്ക്‌ നല്‍കി നിര്‍വഹിച്ചു. പ്രോഗ്രാം കമ്മിറ്റി ചെയര്‍മാന്‍ ശ്രീ. ബാബു.എം.പാലിശ്ശേരി എം.എല്‍.എ.അധ്യക്ഷനായ ചടങ്ങില്‍ പ്രോഗ്രാം കമ്മിറ്റി കണ്‍വിനര്‍ ശ്രീ. ടി.വി.മദനമോഹനന്‍സ്വാഗതവും അറബി കലോത്സവം കണ്‍വിനര്‍ നന്ദിയും രേഖപെടുത്തി. കോര്‍പറേഷന്‍ വിദ്യാഭ്യാസസ്റാന്‍ഡിംഗ് കമ്മിറ്റി ചെയര്‍മാന്‍ ഡോ. ഉസ്മാന്‍, തൃശ്ശൂര്‍ ഡി.ഡി.ഇ. ശ്രീമതി.നൂര്‍ജഹാന്‍, ജില്ലാ പഞ്ചായത്ത് വൈസ് പ്രസിഡന്റ് ശ്രീമതി. നിര്‍മ്മല തുടങ്ങിയവര്‍സംസാരിച്ചു. പ്രോഗ്രാം നോട്ടീസ് പ്രകാശനത്തിലൂടെ കലോല്‍സവത്തിന് മികച്ച തുടക്കംലഭിച്ചതായി ശ്രീ. തേറമ്പില്‍ രാമകൃഷ്ണന്‍. എം.എല്‍.എ. നോട്ടിസ് സ്വീകരിച്ചുകൊണ്ട്അഭിപ്രായപ്പെട്ടു.

കലോല്‍സവ തിരിച്ചറിയല്‍ കാര്‍ഡുകള്‍ വിതരണത്തിന് തയ്യാറായി

2011-12-20T20:24:00.000+05:30

സംസ്ഥാന സ്കൂള്‍ കലോല്‍സവത്തില്‍പങ്കെടുക്കുന്ന കലാപ്രതിഭകള്‍ക്കുള്ള തിരിച്ചറിയല്‍കാര്‍ഡുകള്‍ (Identification Card) എല്ലാ ജില്ലാ ഡി.ഡി.ഇ. ഓഫീസുകളിലേക്കും എത്തിച്ചിട്ടുണ്ട്. ജില്ലാ ടീം മാനേജര്‍മാരായ ജില്ലാ കലോല്‍സവ കണ്‍വിനര്‍മാര്‍ നിര്‍ബന്ധമായും ബന്ധപെട്ട ഡി.ഡി.ഇ.ഓഫീസില്‍ നിന്നും തിരിച്ചറിയല്‍ കാര്‍ഡുകള്‍ എത്രയും വേഗം കൈപ്പറ്റുകയും സംസ്ഥാനസ്കൂള്‍ കലോല്‍സവത്തില്‍ പങ്കെടുക്കാന്‍ അര്‍ഹത നേടിയ കുട്ടികള്‍ക്ക് വിതരണംചെയ്യേണ്ടതുമാണ്. കലോല്‍സവത്തില്‍ പങ്കെടുക്കുന്ന കുട്ടികള്‍ രജിസ്ട്രേഷന്‍ ദിവസമായ 2012 ജനുവരി 15 ആം തിയതി നിര്‍ബന്ധമായും തിരിച്ചറിയല്‍ കാര്‍ഡിന്‍റെ അറ്റസ്റ്റ് ചെയ്ത രണ്ട്‌കോപ്പികള്‍ ഹാജരാക്കേണ്ടതാണ്.

കലോല്‍സവ ബ്ലോഗിന് ലളിതമായ തുടക്കം

2011-12-19T22:34:00.001+05:30

സംസ്ഥാന സ്കൂള്‍ കലോല്‍സവപ്രോഗ്രാം കമ്മിറ്റിയുടെ ഔദ്യോഗിക ബ്ലോഗിന്‌ ലളിതമായ തുടക്കമായി. 2011 ഡിസംബര്‍ 19 ആം തിയതി തൃശ്ശൂര്‍ ഗവ.മോഡല്‍ ഗേള്‍സ് സ്കൂളില്‍ നടന്ന ചടങ്ങില്‍ പ്രോഗ്രാം കമ്മിറ്റി ചെയര്‍മാന്‍കൂടിയായ എം.എല്‍എ. ശ്രീ. ബാബു.എം.പാലിശ്ശേരി ഉദ്ഘാടനം നിര്‍വഹിച്ചു. തൃശ്ശൂരിന്‍റെ സാംസ്കാരിക പാരമ്പര്യം ഉയര്‍ത്തിപ്പിടിക്കാന്‍ കലോല്‍സവബ്ലോഗിന്‌ സാധിക്കട്ടെ എന്ന്‍ അദ്ദേഹം തന്‍റെ ഉദ്ഘാടന പ്രസംഗത്തില്‍ ആശംസിച്ചു. ഗേള്‍സ് സ്കൂള്‍ പ്രിന്‍സിപ്പാള്‍ ശ്രീമതി. പി.ബി.ലതയുടെ അദ്ധ്യക്ഷതയില്‍ ചേര്‍ന്നയോഗത്തില്‍ പ്രോഗ്രാം കമ്മിറ്റി കണ്‍വിനര്‍ ശ്രീ. ടി.വി.മദനമോഹനന്‍, ശ്രീ.കെ.എം.ഗോപിദാസന്‍, ശ്രീ. അജയകുമാര്‍ എന്നിവര്‍ സംസാരിച്ചു. ഉദ്ഘാടനത്തിനു ശേഷംപ്രോഗ്രാം കമ്മിറ്റിയിലെ ഐ.ടി. സബ് കമ്മിറ്റി അംഗങ്ങളുടെ ചര്‍ച്ചയും തയ്യാറെടുപ്പുകളുടെ അവലോകനവും നടന്നു.

.

2011-12-11T18:03:00.007+05:30

കേരളത്തിലെ കൌമാരകലാപ്രതിഭകള്‍ക്ക് സാംസ്ക്കാരിക
തലസ്ഥാന നഗരിയായ തൃശ്ശൂരിലേക്ക്‌ സഹര്‍ഷം സ്വാഗതം

THRISSUR WELCOMES ALL THE YOUNG ARTISTIC TALENTS OF KERALA

കേരള സംസ്ഥാന സ്‌കൂള്‍ കലോല്‍സവം 2012

തൃശ്ശൂര്‍

2012 ജനുവരി 16 മുതല്‍ 22 വരെ

KERALA STATE
SCHOOL KALOLSAVAM 2011-12
THRISSUR
2012 JANUARY 16 - 22

മേള ഉദ്ഘാടനം

ശ്രീ. ഉമ്മന്‍ചാണ്ടി (ബഹു. കേരള മുഖ്യമന്ത്രി)

സമാപന സമ്മേളനം ഉദ്ഘാടനം

ശ്രീ. വി.എസ്. അച്യുതാനന്ദന്‍

(ബഹു. കേരള പ്രതിപക്ഷനേതാവ് )

17 വേദികള്‍

LOCATION MAP OF STAGES